Yn 1962 dechreuodd Glanmor Evans fel prentis gyda Adeiladwyr Glyn Harvey yn Heol Awst, Caerfyrddin. Yn dilyn marwolaeth Glyn symudodd i weithio fel saer coed yn Adran Ystadau Cyngor Sir Gâr o dan arweiniad Bryn Rogers yn y siopwaith yn Hen Heol Llangynnwr. Wedi llawer o blynyddoedd hapus, sefydlodd Glanmor ei fusnes ei hun yn 1983 ac mae ei waith coed dal i’w weld hyd heddiw mewn amryw le. Efallai mae’r prosiect mwyaf a gwblhaodd oedd pum ffenest liw enfawr sydd i’w gweld yng nghanol Eglwys Crist, Caerfyrddin. Glanmor hefyd greodd drysau allanol Eglwys Crist, ynghyd â drysau Capel Newydd, Llanybri. Bu hefyd yn creu meinciau ar gyfer pentrefi lleol, gan gynnwys y fainc yn Llanybri er cof am JH Davies.

Ym 1986 bu farw Mrs Annie Davies, Cwm Clyd, Llansteffan. Yn ôl y traddodiad gofynnwyd i’r saer lleol i ymgymryd a’r angladd. Dyma’r dechreuad. Trefnwyd tair angladd yn ystod y flwyddyn gyntaf. Erbyn heddiw mae’r cwmni yn trefnu tua 200 o angladdau y flwyddyn. Mae’n nhw’n dweud y tu ôl i bob dyn da mae yna fenyw gwell! Mae hyn yn sicr yn wir gyda Glanmor a’i wraig Wendy. Mae ei sgiliau gweinyddol heb ei thebyg, ac mae’n dal i rhedeg y swyddfa fel watsh. Dros y 30 mlynedd diwethaf mae Glanmor a Wendy wedi trefnu angladdau o bob math mewn amrywiol leoliadau.

Efallai mai’r mwyaf oedd angladd y diweddar Ray Gravell ar Barc y Strade ar 15 Tachwedd 2007. Fe ddaeth dros saith mil o bobol yno i dalu teurnged i Grav a darlledwyd y gwasanaeth yn fyw ar S4C.

Yn 2008 fe ddaeth cyfle i brynu hen Ysgol Login ar Heol Llangynnwr, tua filltir o dref Caerfyrddin. Dyma ddechrau ar y gwaith o drawsnewid yr hen adeilad i Gapel Gorffwys newydd.

Byddai hyn ddim wedi digwydd heb cymorth hael a chefnogaeth parod nifer o ffrindiau (yn enwedig Dewi Evans, Egwad Evans a Goronwy Walters). Yn 2011 derbyniodd Glanmor a Wendy Gwobr Cymdeithas Ddinesig Caerfyrddin am eu gwaith yn adfer a diogelu yr adeilad hanesyddol hwn. Capel Gorffwys Login yw’r unig Gapel Gorffwys o’i fath yn yr ardal. Dyma nawr yw cartref y cwmni.

Yn 2011 ymunodd Iwan Evans fel aelod o staff llawn amser, gan sicrhau fod y genhedlaeth nesaf o Drefnwyr Angladdau yn diogelu dyfodol y cwmni. Bellach mai cwmni Glanmor D Evans a’i Fab yn cyflogi nifer o staff o’r safon uchaf.

Pan mae marwolaeth yn digwydd bydd yna aelod o staff profiadol a chyfeillgar at eich gwasanaeth.

Wrth edrych yn ôl dros 30 mlynedd mae egwyddorion Glanmor a Wendy mor gadarn heddiw ag oedd wrth ddechrau trefnu angladdau yn 1986.

Yn syml iawn, i ddarparu gwasanaeth o’r safon uchaf i’r gymuned ac i edrych ar bob teulu fel rhan o’u teulu nhw.